Тулык икшыве да ача-аван ончымышт деч посна кушшо йоча-влак тунемме шотышто ешартыш права дене пайдаланат. Федерал законыш тений икмыняр вашталтышым пуртымо. Тидын нерген Медведево районысо прокурорын полышкалышыже, юрист А.И.КОВАКИН умылтара:
– Тулык икшыве да ача-аван ончымышт деч посна кушшо йоча-влакын кӱшыл тунемме верласе подготовительный отделенийыште оксам тӱлыде тунемаш йӧнышт уло. «Россий Федерацийыште тунемме нерген» федерал законын пеҥгыдемдыме квотыж дене келшышын, ынде нуно бакалавриат да специалитет программыла дене яра тунем кертыт.
