Кеҥеж каникул жапыште Шем теҥыз воктеке канаш миенна. Геленджик ола моткоч келшен. Сафари-паркым кызытат порын шарналтем. Курыкышто верланыше зоопарк кок ужаш гыч шога. Икымше ужашыште могай гына янлык огеш иле: изи маймыл гыч тӱҥалын, слон марте. Канат корно дене 640 метр кӱкшытышкӧ кӱзымеке, кокымшо ужашыш логалат. Тушто лыве ончерым, террариумым, дольменым да молымат ончал савырнаш лиеш. Верысе пӱртӱсым йывыртен эскерет, курык вуй гыч теҥызышке кидым шуялтет. Вес ийынат тушко кайынем.
Артём ПЕТРОВ.
Йошкар-Ола, 19-ше номеран школ.
