Шочмо элым, калыкым аралаш – кугу чап да кугешнымаш. Кызыт Андрей изам специальный военный операцийыште кредалеш. Тудлан улыжат – 26 ий. Кужэҥер районысо Пургак ялеш шочын. 1-9-ше класслам Шӱдымарий школышто тунемын. Тунамак сарзе корным ойыраш шонен. Школ деч вара Оршанке посёлкысо шуко профилян колледжыш физкультур пӧлкаш тунемаш пурен. Спорт дене пеҥгыде кылым кучен, тазалыкшым эскерен. Колледжым чыла «визытанлан» тунем пытарымеке, Санкт-Петербург оласе Михайловский академийыште ныл ий шинчымашым поген. Вара тудым Владикавказыш колтеныт, пел ий гыч – специальный сарзе операцийыш. Изамлан 291-ше гвардейский артиллерийский бригадын лейтенантше званийым пуэныт. Мыланна сарзе корныж нерген нимом ок каласкале. Лач шкеж да йолташыже-влак дене кылдалтше оҥай тат дене веле палдарен.
Андрейлан «За отвагу» ден Суворовын медальже-влакым кучыктеныт. Изам дене моткоч кугешнем. Шочмо кундемыш таза капкылан пӧртылмыжым еш дене вучена. Пуламыр жап вашке пыта, да тыныс кава йымалне куанен илаш тӱҥалына манын ӱшанена.
Надя КАЗАКОВА.
Кужэҥер, Шӱдымарий
