Геройым моктен возеныт

«Без срока давности» всероссийский сочинений конкурсын республикысе йыжыжым иктешленыт. Таҥасымашке 1337 тунемше ден студент ушненыт. Нунын пашашт-влак Кугу Ачамланде сарыште подвигым ыштыше коча ден кугезе коча-шамычым шарнымылан пєлеклалтше лийыныт. 3-шо номеран Медведево школын тунемшыже Ренат Абросимов (5-ше кл.) (снимкыште), Волжск оласе 6-шо номеран школ гыч Илья Беседин (9-ше кл.), Йошкар-Оласе 15-ше номеран школ гыч Евгения Ласточкина (11-ше кл.) сеҥышыш лектыныт. Ӱдыр-рвезе-влак конкурсын финалыштыже таҥасаш тӱҥалыт.

– Ойлымашемын тӱҥ геройжо – Витя. Мый тудым шонен луктынам. Сеҥышыш лектам манын, мучаш марте ӱшаненам. Финалыште таҥасаш – кугу чап,  – ойла Ренат.

  • Христина Александрова

    «Ямде лий» газетын редакторжо.

    Related Posts

    Усталык пайрем

    Школышто «День урожая» пайремым эртаренна. Тиде мурымаш да куштымаш пайрем гына огыл, тыгак усталыкым да кидпашам тергыме урок. Ме ончылгоч ямдылалтынна. Ончерым сылнын келыштаренна. Тӱрлӧ пакчасаскам, пӱртӱс поянлыкым кучылтын, поделкым…

    «Кугу перемене» йӧным пуа

    Ноябрь тӱҥалтыште «Орлёнок» йоча рӱдерыште «Кугу перемене» конкурсын финалже эртаралтын. «Движение Первых» толкынын проектше Российысе тӱрлӧ регионышто илыше ӱдыр-рвезе-влаклан шонымашыштым илышыш шыҥдараш полша. Тений конкурсыш 1500 наре тунемше ушнен. Марий…