«Культура» нацпроект почеш С.Г.Чавайн лӱмеш Национальный библиотеке «Сочинения, принадлежащие к грамматике черемисского языка» икымше марий грамматикым цифроватлен. Шуэн вашлиялтше книгам 1962 ий 27 апрельыште книгагудылан профессор Н.Пенгитов пӧлеклен.
Теле каныш годым Кутерем селасе «Нефтяник» тӱвыра пӧртыштӧ «Морозко» мюзиклым ончыктенна. Юзо лум пырче-влак пайремым весела куштымаш дене тӱҥалыныт. Мыят нунын коклаште лийынам. Марфушан рольжым авам модын. Снимкыште когыньнам ужыда.…
«Движение Первых» йоча толкын чолга ӱдыр-рвезе-влакым иквереш уша. Тудын радамыш пурышо-шамычын чотышт ий гыч ийыш ешаралтеш. Йоча-влак пырля ятыр поро пашам ыштат, кугыеҥ-шамычлан тӱрлӧ мероприятийым эртарымаште полшат, вийыштым, уш-акылыштым конкурслаште…