Кугурак класслаште тунемше йоча-влак кажне ийын, 5 октябрьыште, туныктышын сомылжым вачӱмбакышт пыштен ончат. Тиде школнан поро йӱлаже. Мыят туныктышо лийынам. Руш йылмым вӱдышӧ Ирина Сергеевна Курочкинам алмаштенам. Предметшым кум классыште вӱденам. Ты профессий куштылго огыл гынат, мыланем дублёр кече моткоч келшен. Туныктышо шуко палышаш, уроклан ончылгоч ямдылалт- шаш, кажне йоча дене вашкылым ыштен моштышаш, тунемшын трукышто лекше йодышыжлан вашештен кертшаш… Тыгай кече нунын сомылыштым умылаш, эшеат чот аклаш да пагалаш туныкта.
Ландыш ГОРЯЕВА.
Параньга школ.
Фотом еш архив гыч налме.
