Ме визымше классыште тунемына (снимкыште). Класс вуйлатышына – Эльвира Валерьевна Молоствова. Тудо англичан йылмым туныкта. Классна кугу огыл: ныл ӱдыр да кум рвезе. Ешышкына 1 сентябрь гыч эше ик тунемше ешаралтын. Тиде Елисей Ботгрос. Тудо рушла кутыра, туге гынат марий йылмым тунемеш. Икмыняр марий шомакым каласен кертеш. Ме С.Чавайнын «Ото» почеламутшым марла лудна гын, тудо рушла да молдаванла каласкалыш. Елисейын ачаже – молдаван. Мемнан тӱҥ пашана – сайын тунемаш. Историй, биологий, географий у предмет-влак ешаралтыныт. Нине урокла гыч ме шуко ум пален налына. А физкультурышто мыланна пионерболла, теле модыш-шамыч дене модаш, тӱрлӧ упражненийым ышташ келша. Тыге ме шуаралтына.
Ме келшен илена, икте-весылан полшена. Ончыкыжымат тыге лиеш манын ӱшанена.
5-ше классыште тунемше-влак.
Звенигово, Эсмекпляк.
Фотом школ архив гыч налме.
