Марий тиште кечылан пӧлеклалтше оҥай урокым йочасадыште эртарышна (снимкыште). Марий йылме тӱняшке путешествийым ыштышна. Марий алфавит дене икымше гана палыме лийна, тудын ҥ, ӧ, ӱ ойыртемалтше букваже-шамычым каласен кодышна. Йоча-влак чодыраште илыше янлык ден кайык-влакым марла ойлышт. Марий сылнымутын классикше Сергей Григорьевич Чавайнын почеламутшо-шамычым лудна. Тыгай мероприятий йоча-влакым калыкын тӱвыра поянлыкшым изинек аклаш, йылмым пагалаш туныкта. Тиде икымше, но пеш кӱлешан ошкыл.
Ирина СЕМЕНОВА.
Медведево, У Арбан йочасад.
Авторын фотожо.
