Воспитательын кечыже вашеш, пеледыш аршашым налын, пагалыме Лидия Геннадьевна деке унала тарванышым (снимкыште). Л.Г.Чимакова мыйын воспитателем лийын. Мый тудым икымше туныктышемлан шотлем. Лидия Геннадьевнан эртарыме занятийже-шамычым, поро койыш-шоктышыжым кызытат шарнем. Тудо Сотнур селасе йочасадыште ятыр ий пашам ышта. «Мый йоча-шамычым моткоч йӧратем, – пашаж нерген ойла пагалыме воспитателем. – Коллективыште икте-весым умылен пашам ыштена. Ача-ава-шамыч дене вашкыл пеҥгыде. Йоча-влак ойыртемалтше койыш-шоктышан улыт. Кажныжым шекланен шукташ, йӧраташ кӱлеш. Профессием келша. Вес пашаште шкемым ом уж». Лидия Геннадьевнам пайрем дене саламлем. Тазалыкым, пиалым, куаным тыланем.
Рафаила ДМИТРИЕВА.
Волжский, Сотнур.
Фотом еш архив гыч налме.
