Матиз, Жади, Хатидже, Фиби, Диего, Лариса… Могай лӱм-влак улыт? Оршанке район Клюкино ялыште илыше Рымарьмыт еш суртвольыкшо-влакым тыге лӱмден. Вате-марий Анастасия ден Сергей Йошкар-Ола гыч ялыш шым ий ончыч илаш кусненыт. «Рымарь» лӱмнерышт «шорник» манын кусаралтеш. Вес семынже – имне кычкыме ӱзгарым ургышо. Лилия ден Николь ӱдырышт-шамычым суртвольыкым йӧраташ изинек туныктат.
Рымарьмыт кызыт имньым, чомам, ишакым, поним, казам, кок пийым, вич пырысым, эсогыл пушарам ашнат. Кызыт имне «чер» дене черланеныт. Кузе?
Тиде йодышлан вашмутым 18-ше ноябрьыште лекше газетыште муыда.