Историй дене всероссийский олимпиадын пытартыш йыжыҥжым иктешленыт. Тушко Российын 74 регионжо гыч 300 тунемше ушнен. Марий Элын чапшым Йошкар-Оласе Политех-нический лицей-интернатын 11-ше классыштыже тунемше Дамир Назмутдинов арален. Уш-акыл таҥасымаште кок тур лийын. Тунемше-шамыч эн ончыч эссем возеныт, шымлыме пашашт дене палдареныт. Кокымшо турысо заданий-влак Российысе да тӱнямбалысе историй дене кылдалтыныт. Дамир, 172 баллым поген, сеҥыше-шамыч радамыш лектын. Тудым Псков оласе кугыжаныш университетыште саламленыт.
