Данил изам пеленна уке. Мый тудым талешкылан шотлем да кугешнем. Тудо Мӱндыр Эрвелне служитлен. 2022 ий февральыште контрактым подписатлен да Белгород олаш логалын, тушеч специальный сарзе операцийыш каен. Ох, кузе чот авайна ойгырен! Ик тылзе утла дене нимогай увер лийын огыл. Пытартыш гана 12 февральыште йыҥгыртен, а вара увер деч посна йомын. Апрельыште ме тудын дене ӱмырешлан чеверласенна… Кӱчык ӱмырыштыжӧ изам «За боевые отличия», Георгий Жуковын, Александр Суворовын медальже-влак да, колымекыже, Патырлык орден дене палемдалтын. Тыгак Владимир Путинын Тауштымо серышыж дене суапландаралтын.
Ӱмаште Буймо кыдалаш школышто Данил изам лӱмеш Геройын партшым почыныт. Тиде парт коклаш эн ончыч шинчаш мыланем ӱшаненыт. Тиде мыланем чап!
Андрей НИКИТИН.
Татарстан, Агрыз, Буймо.
