Моткоч мотор, шуко сӱретан. Кандаш лаштыкан веле гынат, уверже-е! Ушым пойдара веле огыл, эше пудырата. Тудын полшымыж дене республикысе да пошкудо кундемласе школлашке, тӱвыра пӧртлашке ик татлан «унала» миен толаш лиеш. Туштылан вашмутым чылан палышда, шонем. Тиде йоча-влакын «Ямде лий» газетышт. Тудым марий ӱдыр-рвезе-шамыч, ача-авашт, туныктышышт кажне кугарнян вучат. Теве Параньга район Николашкино тӱҥалтыш школышто улыжат лу йоча (снимкыште) тунемеш. Чыланат «Ямде лий» газетлан возалтыныт.
Йоча-влак, «Ямде лий» газетлан шушаш пелийлан возалт шуктен огыдал гын, кызыт сай йӧн уло. 3-13 декабрьыште Россий мучко подписчикын декадыже эртаралтеш. Шулдырак ак, 439 теҥгеат 68 ыр (Марий Элыште), дене подпискым ышташ лиеш.
- Смартфон, интернет дене сай йолташ улыда гын, podpiska. pochta.ru сайт дене пайдаланен кертыда. Акше тыгаяк.
- «Ямде лийым» кеч-кушто улмыда годым шергалнеда гын, электрон подписке йӧнан. Пелийлан ак – 200 теҥге.
- Пытартыш жапыште школышто тунемше-влак туныктышышт гоч альтернативный подпискым ыштат. Газет школыш толаш тӱҥалеш. Акше – 200 теҥге.
Христина АЛЕКСАНДРОВА.
Фотом школ архив гыч налме.
