Мый шым ияш улам. Кокымшо классыште тунемам. Икана ушышкем тыгай шонымаш пурыш: «Кугу Ачамланде сар годым мыйын гай ийготан йоча-влак тушман дене кредалыныт мо?» Шонымем авамлан каласышым. Тудо шымлаш темлыш. Тӱрлӧ вере кычалмеке, тыгай иктешлымашым ыштышым.
Лийын тыгай айдеме. Тиде Сергей Андреевич Алешков. Кугу Ачамланде сар тӱҥалме годым тудлан куд ият темын огыл улмаш. Тудым разведчик-влак муыныт. Госпитальыште эмлалтмеке, Серёжам полкышто коденыт. Изи рвезе тӱрлӧ сомылым шуктен. Икымше боевой наградым 6 ияш налын. Тудын нерген «Солдатик» кинофильм уло. Ончыза, йоча-влак, огыда ӧкынӧ.
София МИХАЙЛОВА.
Морко, Коркатово.
