Шочмо марий йылмым аралыме, самырык тукымым тӱвырам шымлаш кумылаҥдыме шонымаш дене районышто фестивальым ий еда эртарена. Тӱрлӧ темым авалтена: «Пушеҥге вож дене пеҥгыде, айдеме – еш дене», «Калык йомак», «Калык модыш», «Калык йӱла» да молат. Йоча-влак марий куштымашым, мурым, почеламутым тунемыт. Ялысе марий йӱлам радамлат. Марий вургем дене палыме лийыт. Нунылан ача-ава-влак полшат. Шукерте огыл «Окра шудо» калык пайремым эртарышна. Йоча изинек марий вургемым пагала гын, нигунам марий улмыж деч ок вожыл, йылмыж дене кугешна.
Н.М.ИВАНОВА.
Одо кундем, Карагӧл, Ныргындыш.
