Шӱргыял школын «Рвезе тукым» йоча ушемже Всесоюзный пионер организацийлан 100 ий теммылан пӧлеклалтше пайрем-влакым эртараш тӱҥалын (снимкыште). Вожатый Е.В.Григорьева пионерийын шочмыж нерген каласкален. Школышто ончерым келыштарыме. Класс шагатымат тиде лӱмгечылан пӧлеклыме. Класс вуйлатыше-влак шуко оҥай историйым каласкаленыт. Мыланем тимур паша нерген палдарыме келшен. Ме кызытат тиде пашам шуктена. Проектнаже «Дом без одиночества» маналтеш.
19 майыште 4-ше классыште тунемше-влакым пионер радамыш пуртена. Нунын оҥешышт кум тӱсан галстукым кылдена.
Дмитрий ЕГОРОВ.
Морко район.
