Каникулым кажне тунемше вуча. Мыят, вич арня тунеммеке, ик арня каналтышым. Ты жапым ялыште эртарышым. Мый, книгагудыш миен, марий калык йомак книгам налын тольым. Кажне кечын икмыняр лаштык дене лудым. Мӧҥгыштӧ сурт сомылкам ышташ, изи шӱжарем ончаш полшышым. Полина шӱжарем дене курык гыч кече еда мунчалтышна (снимкыште). Тений лум пеш шуко. Пӧрт ончылнак кугу курык лийын шинчын. Кугурак-влак лумым эрыктен ярненыт, а мыланна сай: тораш кайыде, пычкемыштат капка ончылно мунчалтен кертына.
Мария МАМАЕВА.
Йошкар-Ола, 23-шо номеран школ.
Фотом еш архив гыч налме.
