31 майыште Звенигово олаште мурымаш, йоча юарлымаш торашке шергылтын. Тушто икшыве-шамычлан пӧлеклалтше «Йоча тӱня» пайрем лийын. Тудым Республикысе марий тӱвыра рӱдер ден Звенигово районысо администраций эртареныт.
Мероприятий Йошкар-Оласе, Курыкмарий, Морко, Звенигово, Волжский, У Торъял районласе тунемме тӧнежлаште, йоча сымыктыш школлаште тунемше-влакым, ола ден ялласе тӱвыра пӧрт ден рӱдер-шамыч пеленысе куштышо, мурышо да семӱзгар дене шоктышо коллективлам ушен. Организатор-влак йоча-шамычым марий калык йӱла да тӱвыра дене палымым ыштеныт. Концертым, тӱҥ шотышто, лач ӱдыр-рвезе-влак сӧрастареныт. Тидын деч посна Йочам аралыме кече, тыгак тыныслык, келшымаш лӱмеш пеледышым шынденыт. Оҥай модыш ден мастер-класс-влак икшыве-шамычын кумылыштым савыреныт.
«Йоча тӱня» вашкылым пеҥгыдемден, весела кумылым пӧлеклен, кеҥеж канышлан тӱҥалтышым ыштен да у вашлиймашлан ӱшаным пуэн.
Снимкыште: Звенигово оласе «АРТ-ГРАНД» образцовый хореографий студийын ӱдыр-рвезыже -влак.
Фотом Республикысе марий тӱвыра рӱдерын сайтше гыч налме.
