Россий Президент В.В.Путинын кӱштыкшӧ почеш, 2015 ий 29 октябрьыште Российысе тунемше-влакын толкынышт шочын. Тудо школласе йоча ушемын паша кышкарышкыже у сыным пуртен. 40 утла проектым илышыш шыҥдара. Шӱргыял школын «Рвезе тукым» йоча ушемжат, тиде толкынын паша радамже дене келшышын, усталыкшым шуара. Эн кугу тӱткыш тунемшым патриот шӱлышеш вияҥден куштымашлан ойыралтеш. «РДШ»-ан шочмо кечыжым пайремлымашке ушнен, 11 ӱдыр (снимкыште) видеороликым ыштен.
Тачысе кечылан «РДШ» 500 тўжем йочам, туныктышым, ача-авам иквереш чумырен.
Е.ГРИГОРЬЕВА.
Морко район.
