Мемнан школышто 1974-1979 ийлаште З.В.Морозова кугурак пионервожатыйлан пашам ыштен. Шке сомылжым шӱм йӱлен шуктен да йырже йоча-влакым моштен чумырен. Пионер-влакын тунемме па-шаштлан кугу тӱткышым ойырен. Кажне отряд тошто кагазым, кӱртньыпудыргым, ломыжым поген. Тимур команде-влак чолган пашам ыштеныт. Пионер дружине Сотнур лесничествылан, «Дружба» совхозлан полышым пуэн. Йоча-влак Кугу Ачамланде сарыште лийше ветеран-шамыч дене вашлийыныт. «Мыйын Элем – СССР» всесоюзный экспедицийыш чолган ушненыт. Школысо йоча организаций педагогике пашан ветеранже З.В.Морозова дене кызытат пеҥгыде кылым куча.
«Мыйын еш архивем» республикысе конкурсышто уста пионервожатый нерген палдаренам (снимкыште) да кумшо верыш лектынам.
Захар ВАСИЛЬЕВ.
Волжский, Пӧтъял.
