Марий йылмым да лудмашым туныктымаште мый «Ямде лий» газетым кучылтам. Тушто мом гына муаш ок лий: кроссворд, филворд, судоку, метаграмме, анаграмме, тушто, калык пале, калыкмут-влак. Урок деч ӧрдыжысӧ лудмаш урокышто газетыште савыкталтше йомакым, ойлымашым лудына. Вара тӱшкан лончылена, «Эн сайын лудшо» конкурсым эртарена. Тунемше-влак дене изирак заметкылам, синквейным возена. «Палаш оҥай» рубрикым пеш йӧратена. Шкем тўрлє вере лӱдыкшыдымын кучымо нергенат материал савыкталтеш. Физкультминуткым марла эртарынет гын, газет полша.
«Мастар кид» рубрике полшымо дене тӱрлӧ сӧрал арверым ыштена. Перемене годымат «Ямде лий» деч огына ойырло: чиялтена, сӱретлена, задаче-влаклан вашмутым муына.
О.ИЗИБАЕВА, туныктышо.
