Ачамын лӱмжӧ – Юрий (снимкыште). Тудо ялысе тыглай пӧръеҥ, но моткоч поро, пашаче, уста. Ачам корно пашаште тырша. Кажне кечын, ӱмбакше ончалмеке, эре шонем: пеленем – могай ӱшанле айдеме, пиалан улам! Лишыл еҥем кечкунамат поро шомакым муэш, ушан ойым каласа. Чонемлан йӧсӧ лиеш гын, мыйым нигунам ӧрдыжеш ок кодо. Тудын йӧратымашыже мыйым виянракым ышта да шкалан ӱшанаш тарата.
Эше ачам сылнын мура. Тудын йӱкшӧ йырваш юзо шӱлышым шара. Тӱшкан погынен муралтыме татым эре вучем.
Ачай, мыланем йолташ, талешке улат! Мый тый денет кугешнем.
Юлиса ТОСАЕВА.
Башкортостан, Калтаса, Ӱлыл Качмаш.
Фотом еш архив гыч налме.
