Шернур район Кукнур кундемын ойыртемалтше верже – Йӱштӧ Кугызан илемже. 1-ше номеран Морко школышто 4-ше «А» классыште тунемше-влак (снимкыште) тушко экскурсий дене миеныт. Игече йӱштӧыле гынат, кылмаш да йокрокланаш жап лийын огыл. Йоча-шамычлан Йӱштӧ Кугызан юзо корныж дене ошкылаш пеш келшен. Нуно Чодыра оза, Эмлызе, Овда, Вувер дене вашлийыныт. Йомакысе герой-влак тӱрлӧконкурсым, таҥасымашым эртареныт. А кугу курык гыч издер, ватрушко дене мунчалтымашыже мыняр куаным пӧлеклен! Мучашлан Йӱштӧ Кугызан пӧртыштыжӧшудан шокшо чай ден мелнаже могай тутло лийыныт!
Людмила ГУРЬЕВА.
Фотом школ архив гыч налме.
