М.Шкетан лӱмеш Марий драме театрыште эртаралтше У ий пайремыш авам намиен. Тушто мемнам Лумӱдыр (снимкыште), Шрек, Ишак, Шамахан царице, Юлий имне шокшын вашлийыныт. Тӱрлӧ модыш дене модыктеныт, марий да кызытсе жапыште кумдан палыме мурсем почеш куштыктеныт. Усталыкем йомакысе Ишак шекланен да мокталтен. Умбакыже Йӱштӧ Кугызам рӱж ӱжынна. Тудо кожым тӱрлӧ тӱсан гирлянде дене волгалтарен, мыланна юзо вийжым ончыктен. Пайремысе герой-влак дене чеверласымеке, «Волшебная лампа Аладдина» спектакльыш ӱжыныт. Артист-шамыч шке рольыштым моткоч мастарын модыныт. Ты постановкышто чылажат сӧрал ыле: костюм, декораций, музык. Мылам Джин моткоч келшен. Пайрем весела кумылым пӧлеклен.
София ГОДУНОВА.
Медведево, 6-шо номеран «Оҥгыр» йочасад.
Фотом еш архив гыч налме.
