Юрино посёлкышто верланыше Шереметев замокым Юл кундемын шӧртньӧ чинчыже маныт. Йомакысе гай мотор, кугу Шереметев замокым кӧ ужын огыл гын, миен толаш темлем. Шереметев тукым, замокын историйже нерген пален налаш оҥай да пайдале. Замок пашаеҥ-влак экскурсийым кажне кечын эртарат.
Шереметев замок деч тораште огыл «Bard Village» глэмпинг экопарк верланен. Тушто вич А-фрейм уло. Тиде А буквала койшо изи пӧрт. Пу пӧртыштӧ еш дене канаш лиеш. Яндар юж, мотор пӱртӱс – пайдаланен веле мошто. Кеҥежым чодыра поянлыкше, Юл эҥер сылнылыкше дене куандарат.
Тений Шереметев замокышто 36 тӱжем наре еҥ лийын.
