2009 ийыште Сосногорск олаште «Токующий Глухарь» скульптурым (снимкыште) шогалтеныт. Кайыкым ончаш верысе калык веле огыл, уна-влакат чӱчкыдын толыт. Сузо юзо виян, маныт. Тудын кӱчшым ниялтыман да шке шонен коштмым шып да раш ойлыман.
Йолташ ӱдырем экзамен, тергыме паша вашеш кайык деке миен толеш. Йышт йодмыжо шукталтеш шонем, вет тудо тунеммаште эре ончылно. Тӱҥжӧ – ӱшанаш.
Кристина КОЛИПОВА.
Коми, Сысольский район,
Межадор села.
Фотом еш архив гыч налме.
