Шӱргыял школышто тунемше ӱдыр-рвезе-влак (снимкыште) дене ИКН урокышто З.Долгован «Висвис пушан орлыкем» спектакльжын видеожым ончышна. Спектакльын шонымашыже йоча-шамычын чонешышт кугу кышам кодыш да ятыр йодышым тарватыш. Театрышке кажне гана кошташ йӧн уке. Урокышто спектакльым ончен, артист-влакын марла чаткан кутырымыштым колыштын, марий йылмым, сылнымутым йӧраташ кумылаҥдена. Спектакльын юзо вийже уло манын ӱшанена.
Е.ГРИГОРЬЕВА.
Морко район.
Туныктышо. Тиде мутым колмек, шинча ончылнем вигак авамым ужам. Тудо школышто руш йылме ден литературым туныкта. Алеся Валериевна пашам йӧрата, поро лияш кумылаҥда, келге шинчымашым пуа, йоча-влакым пагала. Мыйымат тӱрлӧ…
Елизавета Александровна – мыйын йӧратыме туныктышем. Тудо Коркатово лицейыште физкультурым туныкта. Туныктышын тыршымыжлан кӧра ме писын куржталаш, пионербол дене модаш, ече дене чын кошташ, ияш тунемына. Тудо мемнам тӱрлӧ таҥасымашке…