Республикысе марий тӱвыра рӱдерын эртарыме «Марий патыр» конкурсыш Звенигово, Волжский, Шернур, Морко, Курыкмарий районла, Йошкар-Ола да Озаҥ ола гыч кандаш рвезе ушнен.
Самырык еҥ-влак муро, куштымаш, почеламут, презентаций гоч шкешт нерген каласкаленыт. Марий калык йӱла, тӱвыра ойыртемым палымыштым тергеныт. Ӱдырым йӱктымӧ, армийыш ужатыме, у пӧртлан негызым пыштыме йӱла-влакым модын ончыктеныт. Таҥасыше-влак коклаште 1-ше номеран Шернур школын 9-ше классыштыже тунемше, мемнан юнкорна Дима Веденькин лийын. Тудо кокымшо верыш лектын. Саламлена
Гран-прим Анатолий Мартынов (Звенигово, Юлъял) сеҥен налын.!
