25 августышто Йошкар-Оласе Советский уремыште верланыше 151-ше номеран пӧрт пырдыжеш тале кӱслезе, Марий Эл Республикысе сымыктышын сулло деятельже А.Р.Сидушкиналан шарнымаш оҥам почыныт. Анна Романовна 1946 ийыште Москосо консерваторийым тунем пытарен. Тудо марий ӱдырамаш-влак кокла гыч кӱшыл шинчымашым икымше налын. Марий Эл Республикым Вуйлатышын икымше алмаштышыже М.З.Васютин, Республикын тӱвыра, печать да калык-влакын пашашт шотышто министрже К.А.Иванов, кӱслезын тукым шӱжарже-влак да Анна Романовнан творчествыжым аклыше-влак поро мутым ойленыт.
