«Кугу Какшан» заповедникыште кайык ден янлык-влакым шотленыт. Тидын нерген шанче пӧлкан шанче пашаеҥже Г.БОГДАНОВ каласкала:
– Заповедик кумдыкышто 15-17 наре шордо ила. Ирсӧсна-влакын кышаштым ужын огынал. Тений пире-влакынат кышашт уке. Ондак нуно (4-6) Кугу Какшан гоч йӱдвел могырыш каят ыле. Но шурмаҥшын кышажым шекланенна. Тидыже, очыни, мераҥ-влакын шуко улмышт дене кылдалтын. Ме кок ошмераҥым, 11 пурсакмераҥым, 6 луйым, 5 урым, 3 рывыж ден коляйосым, 2 роклуй ден 1 йосым ужынна. Эҥерыште вӱдкома ден умдыр-влакын кышашт койыныт. Икмыняр ий почела шашкым ужын огынал. Ий гыч ийыш рывыж-влакын чотышт кугемеш.
