Мый телым пеш йӧратем. Тиде пагытыште издер дене курык гыч мунчалташ, ече дене чодырашке миен толаш лиеш. А тидыжым яра жапыште ышташ утларак пайдале. Каныш кечыште йолташ-влак дене шер теммешкак мунчалтена. Тыгак поро пашамат ышташ ом мондо. Пӧрт ончылно кормушко кеча, кече еда кайык-шамычым пукшем. Мыланем йошкар оҥан ӧрш-влак келшат. Нуно оҥай улыт. Ондак ик ӧрш толеш, кочкеш. Варажым йолташыже-влакым ӱжеш. Нуным кечыгут эскераш лиеш, нимыняр от нойо. Теат шекланыза.
Тимофей ИВАНОВ.
Морко, Шордӱр
