Йошкар-Оласе 27-ше номеран «Светлячок» йочасадын «Сверчок» группышкыжо коштшо йоча-влак «Кайыклан полшем» республиканский экологий акцийышке ушненыт. Акцийым «Кугу Какшан» эаповедник эртара. Ньога-влак ачашт дене пырля тӱрлӧ кормушкым ямдыленыт (снимкыште). Тыгай сомыл икшыве ден кугыеҥ кокласе вашкылым пеҥгыдемда, йоча пашалан тунемеш, пӱртӱсым пагалаш, шулдыран йолташ-влаклан полшаш кумылаҥеш. Йоча-влакын кормушкыштым заповедник кумдыкышто сакалтат.
Икшыве-влак могай кайыкын мом кочкаш йӧратымыжым «Кайык – мемнан йолташна» урокышто пален налыныт. Кисалан коя падырашым пыштат, пӧрткайыклан – шӱрашым, кинде пудыргым. ӧрш йошкар тӱсан кочкышым: пызлыгичкым, поланым – куанен чӱҥга, ваштар, писте, сирень, нӧлпӧ кичке-влакым кычалеш.
М.И.ФИЛИППОВА, воспитатель.
