Школьник-влакын российысе толкыныштын «Импульс» республикысе профильный лагерьыште тӱрлӧ район гыч 200 ӱдыр-рвезе канен да шинчымашыжым пойдарен. Чылаже 10 отряд лийын. Кажне кече тӱрлӧ вашлиймашлан, спорт модмашлан, квест-модышлан поян лийын. Кажне йоча шке усталыкшым йолташыже-влаклан ончыктен. Ӱдыр-рвезе-влак строй дене кошташ тунемыныт. Марий Эл Республикысе йоча мер организаций-влакын фестивальыштым эртараш полшеныт.
Алевтина СВЕТЛОВА.
Курыкмарий район.
