Коваштыда иктаж-кунам когарген? Тугеже тыланда ультрафиолетовый (УФ) излучений сайын палыме. Тудо организмыште «Д» витаминым ешара. Но эҥгекымат ыштен кертеш. Коваште куптырга, тӱрлӧ чер ылыжеш. УФ-излучений деч ик эн йӧнан аралтыш – крем. Кузе тудым ойыраш?
☀ SPF – кремын аралыме вийжым ончыкта. Йоча-влаклан 30 SPF-ан крем йӧнан. Чот кечан годым 50 SPF-ым кучылташ кӱлеш.
☀ Крем атыште тыгай буква-влакым кычалза: UVA/UVB, PPD (10 деч шагалрак лийшаш огыл) але PA++++ (плюс мыняр шукырак, тунар сайрак).
☀ Йӱштылаш пурен лекмеке, кремым уэмдыза.
☀ Минеральный фильтран кремым ойыраш тыршыза. Тудо аллергийым огеш ылыжте.
☀ Кремыште цитрус эфирын ӱйжӧ, спирт лийшаш огытыл. Пантенол ден висвис экстракт пайдале улыт.
☀ Кече деч аралыше крем вишкыде лийын кертеш. Спрейым эн ончыч кидыш, вара капкылыш йыгыман. Шекланыза: спрей шинчаш, нерыш да логарыш логалшаш огыл!
Катя СЕРГЕЕВА ямдылен
