Классысе Доска

Ик школышто Доска илен. Тудо классыште мо ышталтмым чыла ужын, эскерен.

– Могай сай! – шонен Доска. – Мый дечем нигӧ нимом шылтен ок керт!

Кажне кечын Доскаште у пример, задаче да мотор сӱрет-влак шочыныт. Тудлан туныктышын илыш гыч оҥай примерым каласкалымыже келшен, тӱткын колыштын.

Икмыняр тылзе тунеммеке, икшыве-шамыч каникулыш каеныт. Тунам Доска шӱлыкаҥын, нуным изин-кугун вучен. Пуста классым ончен, лач пырдыжыште кечыше шагатын йӱкшым гына колын. Каникул деч вара Доска йоча-влакым куанен вашлийын. Тудо пален: ӱдыр-рвезе-шамычлан келге шинчымашым налаш полшымо деч шергыракше нимо уке.

Камилла СЕМЕНОВА.

Морко, Коркатово.

  • Related Posts

    Икымше таҥасымаш

    29 октябрьыште Советский районысо Роҥго кыдалаш школышто дроным виктарыме дене «Пилоты будущего» чемпионатын регионысо йыжыҥже эртаралтын. Тудым «Движение Первых» толкын «Молодёжь и дети» нацпроект почеш эртарен. Таҥасымашке 48 ӱдыр-рвезе ушнен.…

    Тора Болдиныш

    Октябрь тӱҥалтыште Угарман кундемысе Большое Болдино селашке экскурсий дене миенна. Тушто руш поэт А.С.Пушкинын чапле тоштер-заповедникше верланен. Тудым 1949 ийыштак почыныт. Тоштер комплексыште тӱрлӧ оралте уло: ожнысо пӧрт, имне ашныме…