Школ книгагудылан полшаш шонен, «Подари детям книги» акцийым эртаренна. Тушко 1-11-ше класслаште тунемше, туныктышо-влак ушненыт. Книгагудылан 40 книгам пӧлекленна. Захар Васильев (снимкыште), Антон Сидоров, Лиана Фёдорова, Алина Дерябина эн шуко книгам конденыт. Ончыкыжымат тыгай акцийым эртараш тӱҥалына. Йоча-влакым книга дене йолташ лияш кумылаҥдена.
Софья МАТВЕЕВА.
Волжский, Пӧтъял.
Туныктышо. Тиде мутым колмек, шинча ончылнем вигак авамым ужам. Тудо школышто руш йылме ден литературым туныкта. Алеся Валериевна пашам йӧрата, поро лияш кумылаҥда, келге шинчымашым пуа, йоча-влакым пагала. Мыйымат тӱрлӧ…
Елизавета Александровна – мыйын йӧратыме туныктышем. Тудо Коркатово лицейыште физкультурым туныкта. Туныктышын тыршымыжлан кӧра ме писын куржталаш, пионербол дене модаш, ече дене чын кошташ, ияш тунемына. Тудо мемнам тӱрлӧ таҥасымашке…