Кочам дене кугешнем

Кугезе кочамын лӱмжӧ – Григорий Иванович Николаев. Тудо 1922 ий 12 июльышто Шуарсола ялеш шочын. Кочам Кугу Ачамланде сарыште тале сапёр лийын. Шуко наградыже уло: Йошка Шӱдыр орден, III степенян Чап орден, «За отвагу» кум медаль, «За победу над Германией» медаль.

Сар гыч пӧртылмеке, колхозышто пашам ыштен. 1952-1958 ийлаште Молотов лӱмеш колхозышто председатель лийын. Пелашыже Варвара Тарасовна трактористлан тыршен. Коктын куд йочам ончен куштеныт. Кочам эше тале гармонист улмаш. Кугезе кочанам эре шарнаш т ӱҥалына. Тудо мемнан чонышто ила.

Андрей ИВАНОВ.

Советский, Шуарсола.

  • Христина Александрова

    «Ямде лий» газетын редакторжо.

    Related Posts

    Мотор йоча пайрем

    5 июньышто Йошкар-Оласе Тӱвыра да каныме паркыште  Йочам аралыме кечылан да Шочмо элым аралышын идалыкшылан  пӧлеклалтше «Йоча пеледыш пайрем» эртаралтын. Мероприятийыш Морко, Советский, Шернур, У Торъял, Килемар районла да Йошкар-Ола…

    Могай игече лиеш, трай?

    Шем тамган йошкар копшаҥгым кучен да тудын кӱшкӧ але ӱлык чоҥештымыжым кажне еҥ эскерен, очыни. Тыге трай полшымо дене игечын могай лиймыжым мужедын. Айста ты мотор копшаҥге нерген кумданрак пален…