Мыйын кок изам уло: кугуракше – Алёша, изиракше – Саша. Нуно кызыт шке порысыштым шуктат. Алёша изам Курск кундемыште осал тушман дене кредалеш. Южгунам мӧҥгышкӧ йыҥгырта да «Чыла сай» манын мемнам куандара. Саша изамже Североморск олаште кугу корабльыште служитла. Кок изамжат тӱрлӧ элыште лийын, кугу вӱдыштӧ коштын.
Алёша ден Саша школыштат сайын тунемыныт, ача-авалан эре полшеныт. Мый нунын дене чот кугешнем. Пайрем дене саламлем! Уло еш дене мӧҥгӧ толмыштым вучена.
Нина ЛЕВАШОВА.
Морко, Эҥерсола.
