Шукерте огыл шорыкна кок изи пачам ыштен. Нунын «Ме-е-е-е» манын колтымышт чоным ырыкта. Пача-влакым кидыш толаш туныктем: киндым пукшем, вӱдым йӱктем. Кушкын шуытат, кӱтўшкӧ коштыкташ тӱҥалам.
Дима ВЕДЕНЬКИН.
1-ше номеран Шернур школ.
Кок пырысем
Мыйын кок пырысем уло. Иктыже лум гай ошо, садлан тудым Снежок манын лӱмденна. Тудо кугу, 8 ияш. Весыже – Барсик, идалыкаш. Нуно шӧрым да колым кочкаш йӧратат. Ныл йолан йолташна-шамыч…
