«Кок книгагудо – ик шонымаш»
Тыгай лӱман вашлиймашым Советский район Михайловка селасе книгагудышто эртаренна. Тушко унала Медведево район Азаново селасе книгагудо пашаеҥ-влак да йоча-шамыч миенна. Эн ончыч палыме лийынна. Вара икшыве-влак «Таза лияш сай» квест-модышыш ушненыт (снимкыште). Кок командылан шелалтын, маршрут лаштыкым налын, «ЗОЖ» викторине», «Уштодыш», «Калыкмутым пого», «Лӱмлӧ спортсмен-влак», «Пайдале да уда кочкыш», «Шем яшлык», «Спортивный» станцийла еда коштыныт. Заданий-влак оҥай лийыныт. Кок командыжат тыршен, уш-акыл пӱсылыкшым да чулымлыкшым ончыктен. Кажне участник грамот дене палемдалтын. Тыгай вашлиймаш кӱлешан да пайдале. Йоча-шамычланат келшен: у йолташым муыныт, жапым оҥайын эртареныт. Кугыеҥ-влак паша опытышт дене палдареныт. Михайловка книгагудын пашаеҥже С.В.Моторовалан кугу таум ойлена.
Эмилия РОМАНОВА.
Медведево, Азаново.
Фотом книгагудын архивше гыч налме.
