Пӱртӱсын чын йолташыже улмыжым Кужэҥер район Руш Шой школысо «Лесные братья» школ лесничествын командыже (Н.Куклин, Д.Михайлова, П.Иванова) сеҥымашыж дене пеҥгыдемден. Нуным снимкыште ужыда. Ӱдыр-рвезе-шамыч Коми Республикыште эртаралтше школ лесничестве-влакын регион-шамыч кокласе I турслётыштышт кокымшо верым сеҥен налыныт. Нуно командышт дене палдареныт, кочкаш шолтен моштымо мастарлыкыштым ончыктеныт, тӱрлӧ нелылыкым сеҥен, турист корным эртеныт, шинчымашыштым конкурслаште тергеныт. Йоча-шамыч сеҥымашке шумаште туныктышо М.В.Охотникован надырже моткоч кугу.
Л.НИКОЛАЕВА ямдылен.
Фотом Марий Эл Республикысе Пӱртӱс, экологий да йырвелым аралыме министерствын сайтше гыч налме.
