РДШ мыланна тунемаш да мастарлыкым вияҥдаш кумда корным почеш. Школьник-влакын российысе толкыныштын марий пӧлкаже пашам чолган ышта. Ме, Коркатово лицейын активистше-влак, «Компас добровольчества» проект почеш шуко поро сомылым шуктенна. «Весенняя неделя добра» акций радамыште ветеран-влаклан полшенна, памятник йыр, ер серыште арулыкым эскеренна.
2021 ийыште «Добро не уходит на каникулы» всероссийский конкурсышто сеҥенна. Тидым эн кугу паша лектышлан шотлена. Лицейыште «Волонтёром быть здорово» неслётым эртаренна.
Ӱдыр-рвезе-влак тӱрлӧ конкурсышко ушнат. Теве кадет Даша Михайлова пӱртӱсын моторлыкшым ужын мошта. Тудо «Фокус» фотоконкурсышто таҥасен. Анге-лина Гаврилова «По стопам истории» всероссийский конкурсын заочный йыжыҥыштыже сеҥен да Смоленскыште эртаралтше финалышке миен.
Школьник-влакын российысе толкынышт АЙДЕМЫМ кушташ полша. Йоча-влак, теат чолга лийза.
Валерия ИВАНОВА.
Морко район.
