Марий Элыште «Лӱдыкшыдымӧ орава» республикысе конкурсым иктешленыт. Тудо апрель мучаште тӱҥалын. Самырык инспектор-влак корно правилым палымыштым, икымше полышым пуэн моштымыштым дистанционно тергеныт. Ты кышкарыште Госавтоинспекцийлан 85 ий теммылан пӧлеклалтше усталык конкурс лийын. Чыла таҥаслам иктешлымеке, 5 эн сай команде 20 майыште Йошкар-Олаште вий-куатшым терген: автогородокышто велосипед дене кудалыштыныт, корно правил шотышто шинчымашыштым ончыктеныт. Волжск оласе лицейын командыже сеҥышыш лектын. Ӱдыр-рвезе-влак Марий Элын чапшым российысе таҥасымаште аралаш тӱҥалыт.
Корнышто – самырык инспектор
