Ме велосипед дене кудалышташ йӧратена, но корнышто пеш тӱткӧ лийман. Тидым шотыш налын, школышто «Лӱдыкшыдымӧ орава» конкурсым кажне ийын эртарена. 5-7-ше класслаште тунемше-шамыч «Восьмёрка», «Змейка», «Квадратик», «Мостик» да моло этапыште мастарлыкыштым тергеныт. Иктешлымек пале лийын: Анжела Петрова ден Егор Васильев икымше верым сеҥен налыныт.
Тыгай мероприятийышке ушнен, ме шинчымашнам пеҥгыдемдена, корнышто кудалыштме правил-шамычым ушештарена. А те, йоча-влак, школыштыда тыгай конкурсым эртареда?
Кира ДАНИЛОВА,
Полина ВАСИЛЬЕВА.
Волжский, Пӧтъял школ пеленысе Йоча усталык школ.
В.А.Ямбашеван фотожо.
Снимкыште: таҥасымаш годым.
