Шыже пагыт мучашке лишемеш. Йӱштӧ да ночко игече шога. Пушеҥге-влак чараҥыныт. Ир янлык-шамыч телылан ямде улыт, очыни. Суртвольыкым пасушко огыт лук: кочкыш шагал, нуным озашт мӧҥгӧ пелен ончат. Илыш ончыко кая. Пӱртӱс шинча ончылнак вашталтеш. Теле озаланаш тӱҥалнеже. А ме йолташ ӱдырем Элина Воробьёва дене, шыжын кажне кечыжлан куанен, школыш куанен коштына.
Валерия СУВОРОВА.
Звенигово, Поянсола.
Кеҥеж канышем пайдалын эртаренам. Ты пагытыште ялыште паша шуко. Кертмем семын авам лан полышкаленам. Яра жапыште скрипке дене шоктенам, книгам лудынам. Мыланем Том Сойер нерген книга пеш келшен. Йошкар-Олашке кресавам…
Шыже – телылан ямдылалтме жап. Чыла пачасаскам поген налман, пӧртым шокшемдыман, пум ямдылыман. Ялысе еҥлан пу – тиде илыш: пӧртым ырыктет, мончаш олтет, кочкаш шолтет да молат. Меат еш дене…