Йошкар-Оласе 1-ше номеран школын 2-шо классшым тунем пытарыше Рома МОРОЗОВ профессионал футболист лияш ямдылалтеш. Рвезе олимпийский резерв спорт школын футбол командыштыже (тренер – А.В.Патрушев) модеш. Шукерте огыл Ижевск олаште эртаралтше «Большие звёзды светят малым» тўнямбал фестивальыш миеныт. Ромам эн сай модшо семын палемденыт.
– Ачам ден кочам футбол дене пеҥгыде кылым кучат. Кочам Севериан Александрович чапланыше футболист лийнеже улмаш. Но шонымашыже шукталтын огыл. Мый тудын ўшанжым сулаш тыршем. Мыланем Арсен Захарянын модмыжо келша. Шочмо ялышкем, Кужэҥер район Нурсолашке, канышлан мийымеке, йолташем-влакым футболла модаш кумылаҥдем, – ойла Рома.
