«Кугарнялан» – 30 ий

Самырык-влаклан, чынракше марий калыклан пӧлеклалтше «Кугарня» газетын икымше номерже 1991 ий 5 июльышто савыкталтын. Тунамсе илышын йодмыжым шуктен, самырык-влакын «У вий» ушемыштын чолга марий ӱдыр-рвезыже-влак у газетым шочыктеныт. Икымше редактор А.С.Абдулов лийын.

Кызыт «Кугарнян» тўҥ редакторжо – В.В.Аптулаев. «Кугарня» газет» кугыжаныш казна унитар предприятийым Э.А.ИМАНАЕВ вуйлата.

Кугешнен каласыман, «Кугарня» газетын чыла гаяк пашаеҥже «Ямде лийын» чолга юнкоржо лийын. Тыге вет, Эдуард Аркадьевич?

– Тиде тошкалтышым шукынжо эртеныт. Мутлан, Зоя Тимофееван (Висвис), Эльвира Терентьеван (Ендылетова), Ирина Степанован (Ябердина) пашашт-влак «Ямде лийыште» чӱчкыдын савыкталтыныт. Вара нуным Надежда Моисеева (Васильева), Алёна Яковлева, Марина Богданова (Чермакова) да молат алмаштеныт. Мыят изиэм годым «Ямде лий» да районысо газет дене кылым кученам. Кеч тунам журналист лиям манын шоненат омыл.

Газет кугыеҥ-влаклан пӧлеклалтын гынат, йоча-шамычым ӧрдыжеш огыда кодо. Нунылан «Ужар лышташ» лаштыкым ямдыледа. Тудын тўҥ шонымашыже могай?

– Ӱдыр-рвезе-влакым «Кугарня» газет дене изинек палдарыме шонымаш дене ышталтеш. Ынде «Кугарня» ден «Ямде лий» газет редакций-влак, ик предприятийыш ушнен, пырля пашам ыштена. Сомыл утларак ешаралтын. Икшыве-влакым марла йоча газет дене кылым кучаш кумылаҥден, илен-толын, самырык-влаклан пӧлеклалтше савыктышыш возкалаш але уста коллективыш пашам ышташ ушнаш таратен моштыман.

Л.ГРИГОРЬЕВА мутланен. 

  • Related Posts

    Шочмо эл эн шерге

    Кужэҥер район Йывансола школышто тунемше-шамыч шагал улыт гынат, тӱрлӧ мероприятийым эртарена. Шукерте огыл «В землянке» сылнымут да сылнысем композиций лийын. Тудым Кугу Ачамланде сарыште Сеҥымашлан 80 ий теммылан пӧлекленна. Пайремым…

    Куан пайрем

    Йошкар-Олаште, Бауман лицей пеленысе «Лира» йоча сымыктыш школышто, «Руки сердечное тепло» регион-влак кокласе инклюзивный фестиваль-конкурс латикымше гана эртаралтын. Тушко Российысе тӱрлӧ регион да ола гыч изинек эмганен кушшо 600 наре…