Муро гай ныжыл йылме, поян тӱвыра, поро калык — чылажат мыланем шерге. Марий улмем дене кугешнем. Калык вургемна пеш мотор, кажне районышто ойыртемалтше. Ик велне, мутлан, сӱанлан вате-шамыч рывыж упшым упшалыт да ужар сывыным чият, вес кундемыште тӱрлӧ тӱсан шовычым кидышкышт кучат. А могай тутло калык кочкышыжо? Ӱяча, подкогыльо, палыш, команмелна… Мыланем туара моткоч келша. Тудым ешыште кажне пайремлан кӱэшташак тыршена. А амалже ятыр. Ий тӱҥалтыште Шорыкйол, Рошто эртен кайышт, Уярня, Кугече, Угинде да молат лишемыт. Пеледыш пайрем поснак сылнын чучеш. Уло чон дене калыкем йӧратем. Весе-влакымат пагалем. Тек тӱняште келшымаш озалана.
Buka АНТРОПОВА.
Кужэҥер, Иӱледӱр.
Фотом еш архив гыч налме.
