Кугезе йӱлам аклена – лиеш поян чонна

Ожно кугезына-влак, арама воштырым тодыштын, сурт-оралтыште кучылташ тӱрлӧ арверым шке кид дене ыштеныт. А ӱдыр-влакше, кажне пӱшкылмӧ пырчым шотлен, вургемыштым марий тӱр дене сӧрастареныт. Кызыт тыгай сӱретым пеш шагал ужаш логалеш. Но, мутлан, Волжский район Пӧтъял школышто акрет годсо йӱлам арален кодаш да самырык тукымым ты кидпашалан шӱмаҥдаш кумылаҥыныт. Технологий урокышто туныктышо Юрий Алексеевич Власов (снимкыште) рвезе-влакым корзиҥгам тодаш туныкта. Тыгодым ӱдыр-влак Любовь Михайловна Семенован вуйлатымыж почеш марий тӱр нерген келгынрак пален налыт, шкештат моторлыкым шочыктат. Теве снимкыште Ксения Бессонова ден Алина Николаева икымше пашашт дене кугешнат. Йоча-влак налме шинчымашыштым марий йылме да литератур, ИКН уроклаште пеҥгыдемдат. Кеч-кузе гынат, шкенан илыш-йӱлана шкаланна шерге лийшаш.

 

Н.ВАСИЛЬЕВАН фотожо.

  • Людмила Григорьева

    "Ямде лий" газетын тӱҥ редакторжо.

    Related Posts

    Пайдале сомыл

    Республикысе курчак театрыште «Эл – Театр – Школ» V всероссийский фестивальын кокымшо туржо эртаралтын. Тушто 12 команде мастарлыкшым жюри ончык аклаш луктын. 1-ше номеран Морко школ театрын самырык артистше-влакат нунын…

    Талешкым чапландарена

    22 апрельыште Йошкар-Оласе «Герои Отечества» тоштер-патриот рӱдерыште «Ший талешке» шымлыме паша конференций эртаралтын. Тушко республикысе тӱрлӧ районысо школла гыч 15 тунемше ден ик туныктышо ушненыт. Нуно «Талешке мемнан коклаште», «Элым…