Кугу Ачамланде сар шомакым коламат, шучкын чучеш. Тудо мыняр еҥын илышыжым «шолыштын» ?! Мыняр йоча ачажым йомдарен?! Кугезе кочамат сарыште кредалын. Григорий Васильевич Васильев 1917 ий 2 январьыште Параньга район Матародо ялеш шочын. 1939 ийыште салтак радамыш каен, 481-ше армейский миномётный полкышто лийын. Тушеч нуным Ленинград областьысе Пушкино олаш колтеныт, вара – Карелий гоч Мурманск олаш. Кум гана эмганен. Сеҥымаш кечым госпитальыште вашлийын.
Кочамлан «За отвагу», «За боевые заслуги», Жуковын медальже-влакым, Кугу Ачамланде сарын 2-шо степенян орденжым кучыктеныт. Арам огыл. 1943 ийыште Павловка ял воктене подвигым ыштен. Тале лӱйкалымаш деч лӱдде, боеприпасым, продфуражым нумалын. 1944 ийыште 8 немычым да ик офицерым пытарен.
Кугезе кочам дене кугешнем да тудлан тауштем.
Регина ГЛУШКОВА.
Кужэҥер, Шӱдымарий.
Нейросеть полшымо дене ыштыме фото.
